TOШКЕНТ, 6 май — Sputnik. Евроосиё иқтисодий иттифоқи (ЕОИИ) чорвачиликда давлатлараро ҳамкорликни ривожлантиради, дея хабар берди Евроосиё иқтисодий комиссияси (ЕИК) матбуот хизмати.
ЕОИИ мамлакатлари вакиллари иштирокида “Чорвачилик соҳасида Евроосиё ваколат марказларини шакллантириш” номли давра суҳбатида бўлиб ўтди. Унда қишлоқ хўжалиги ҳайвонларининг наслчилик қиймати, шу жумладан геномик таҳлил асосида башорат қилиш технологиясидан фойдаланишни кенгайтириш бўйича давлатлараро ҳамкорлик механизмлари муҳокама қилинди.
Тадбир Евросиё иқтисодий комиссиясининг Агросаноат сиёсати департаменти томонидан MVC: “Ғалла – Омухта ем – Ветеринария “AGROBRICS+” халқаро кўргазмаси доирасида ташкил этилди.
Бирлашган Миллатлар Ташкилотининг Озиқ-овқат ва қишлоқ хўжалиги ташкилоти иштирокидаги мулоқотга ЕОИИ мамлакатларининг давлат органлари, бизнес бирлашмалари ва илмий муассасалар вакиллари иштирок этди.
Муҳокамада маърузачилар томонидан таклиф этилган Евроосиё геномик селекция тизимининг концепциялари ва моделлари, шунингдек, қўшма селекция ва генетик тадқиқотлар ўтказиш ва тажриба алмашиш бўйича ёндашувлар қўллаб-қувватланди.
Айтилишича, мазкур ёндашувлар чорвачилик бўйича Евроосиё малака марказлари негизида селекция ва наслчилик ишларини мувофиқлаштириш ва таҳлилий таъминлаш доирасида амалга оширилиши мумкин.
“Давра суҳбати натижалари геномик селекция ва юқори самарали репродуктив технологияларни кенг жорий этиш асосида Иттифоқ давлатларида чорвачиликни барқарор ривожлантириш бўйича давлатлараро ҳамкорликнинг келишилган механизмларини келгусида кўриб чиқиш ва ишлаб чиқиш мавзуси бўлади”, — деди ЕИК Агросаноат сиёсати департаменти директори Наира Карапетян.