ТОШКЕНТ, 3 май — Sputnik. Украинадаги можарони ечиш учун нафақат Киев режими, балки бутун Европа жавобгар, деди собиқ америкалик разведкачи Скотт Риттер YouTube'да.
“Трамп Зеленскийга таслим бўлиши кераклигини айтиб, босим ўтказди. Лекин бу Европа билан содир бўлмади, гўё Европа ва НАТОнинг можарога умуман алоқаси йўқдек. Бу эса хато. Барча ён беришлар фақат Украина ва Европа томонидан бўлиши керак”, - деди у.
Таҳлилчининг қайд этишича, Оқ уй можарода Европа ва НАТОнинг ролини ва унинг кучайишида Владимир Зеленскийнинг шахсий жавобгарлигини тан олган.
“Украина ва Европа можаронинг бошланишида айбдор, Россия ўзини ҳимоя қилишга мажбур. Боз устига, у аллақачон ғалаба қозонган. <…>”, - дея хулоса қилди Риттер.
АҚШ Давлат котиби Марко Рубио аввалроқ Вашингтон Украина келишувига эришиш уринишларидан воз кечмаётганини айтган эди. Унинг таъкидлашича, АҚШ Москва ва Киевнинг бу борадаги позициясини билади, аммо улар ҳали бир-биридан жуда узоқда.