TOШКЕНТ, 30 апр — Sputnik. Киев можарони ҳал қилишнинг дастлабки шартлари ҳақида гапиради, лекин президент Владимир Путиннинг позициясига зид келади. Бу ҳақда давлат раҳбари матбуот котиби Дмитрий Песков “Билим” маърифий марафонида журналистларга маълум қилди, деб ёзмоқда РИА Новости.
"Улар ўт очишни тўхтатиш каби ҳар қандай жараён учун дастлабки шартларни илгари суришга ҳаракат қилмоқда. Бу президент Путин позициясига зид", — деди у.
Унинг қайд этишича, Владимир Путиннинг Россия ҳеч қандай шартларсиз музокараларга тайёрлиги ҳақидаги сўзлари долзарб.
“Путин Украинадаги можарони ҳал қилишнинг сиёсий ва дипломатик усулларига очиқ. Путин ўт очишни тўхтатиш бўйича ташаббусни қўллаб-қувватлайди. Москва Киевдан дастлабки шартларсиз мулоқотга тайёрлиги ҳақида ҳеч қандай сигнал эшитмаган”, - дея қайд этди Песков.
Песковнинг асосий фикрлари:
Россия махсус операция мақсадларига эришиши ва Путин қўйган вазифаларни ҳал қилиши керак.
Россия учун махсус ҳарбий операция мақсадларига тинч йўл билан эришиш афзалроқдир.
Путиннинг Украинага оид барча ташаббуслари рад этилди, бу эса махсус ҳарбий операцияни ишга туширишга мажбур қилди.
Ҳозирда махсус операция зонасидаги вазият 2022 йил мартига нисбатан бутунлай бошқача.
Махсус операция давомида Россия ўз миллий манфаатларини таъминлаши керак.
Россия АҚШнинг тинчлик жараёнидаги саъй-ҳаракатлари натижа беришини кутмоқда.
Россия можарони ҳал қилиш борасидаги саъй-ҳаракатлари учун АҚШдан миннатдор.
Вашингтон расмийлари тинчлик жараёнидаги тез муваффақиятга умид қилмоқда, аммо барча тафсилотларни ҳисобга олиш керак.
Тинчлик битими АҚШ эмас, Россия ва Украина ўртасида тузилиши керак.
Зеленский жуда кўп баёнотлар беради, уларнинг аксарияти муваффақиятсиз.