“Биз кўргазмада беш йилдан бери иштирок этмоқдамиз. Мазкур тадбир анъанавий тарзда корхоналаримиз ва олий ўқув юртларимизда катта қизиқиш уйғотади. Бу йил биз 34 та корхона ва етакчи олийгоҳлардан бири — Урал федерал университетини олиб келдик. Бу бежиз эмас: адашмасам, биргина Екатеринбургдаги УрФУда Ўзбекистондан камида 1200 нафар талаба таҳсил олмоқда. Бизнинг стендимизда асосан юқори технологияли, ўзбек ҳамкорлари билан ҳамкорлик қилишга қизиқиш билдирган 10 та корхона тақдим этилган”, - деди Дмитрий Ионин.
“Бу жараёнга Ўзбекистоннинг фаол ривожланиши ҳам ҳисса қўшмоқда. Шахсан мен учун бу мамлакат аллақачон яқин бўлишга улгурган — хорижга чиқиш паспортимдаги сўнгги саккизта муҳр айнан Ўзбекистонга сафарлар билан боғлиқ. Мен унинг аҳолисининг меҳмондўстлиги ва меҳнатсеварлигига чин дилдан қойил қоламан. Ўзбекистон Свердловск вилояти учун ишончли ҳамкор бўлиб, фаол ташқи савдомиз бўлган бешта давлат қаторига киради”, - дея қайд этди Свердловск вилояти губернатори ўринбосари.
“Ўзбекистондан импорт қилинадиган маҳсулотлар – сабзавот ва мевалар ҳажми барқарор ўсиб бормоқда. Бу маҳсулотлар Свердловск вилоятининг барча савдо тармоқларида мавжуд ва уларга талаб юқори, — деди Дмитрий Ионин. Туризмни ривожлантириш учун салоҳият бор. Свердловск вилоятининг кўплаб аҳолиси Ўзбекистонга тез-тез сафар қилади. Биз учун ёқимли томони — Ўзбекистон аҳолиси ҳам дам олиш учун Свердловск вилоятини танлаяпти".
"Бу маҳсулотлар Свердловск вилоятининг барча савдо тармоқларида мавжуд ва катта талабга эга. Маҳсулот оқими ўсмоқда ва бу бизнинг ҳудудларимиз ўртасидаги яқин савдо алоқаларини тасдиқлайди. Бундан ташқари, делегациямиз таркибига кирган корхоналарнинг ярмидан кўпи Ўзбекистонда ишлаб чиқаришни маҳаллийлаштириш тажрибасига эга ёки ускуналар етказиб берувчи ҳамкорлар ҳисобланади", - дея қўшимча қилди Ионин.