ТОШКЕНТ, 28 апр — Sputnik. АҚШ президенти Дональд Трампинг фикрича, Владимир Зеленский Қримни қайтариш талабларидан воз кечишга тайёр. Бу ҳақда РИА Новости Оқ уй журналистларига таянган ҳолда хабар берди.
Шанба куни Владимир Зеленский ва Дональд Трамп Рим папаси Францискнинг дафн маросимида “жуда қисқа” учрашгани хабар қилинган эди.
Зеленский Трамп билан учрашувни изоҳлар экан, Америка президенти билан “кўп нарсани муҳокама қилишга улгурганини” айтди ва унга миннатдорчилик билдирди.
Оқ уй журналистлари АҚШ етакчисига Зеленский Қрим бўйича ўз талабларидан воз кечишга тайёрми ёки йўқлиги ҳақидаги савол билан мурожаат қилишди.
Дональд Трамп Зеленский билан Ватикандаги учрашувини изоҳлаб, Қрим фақат “қисқа” муҳокама қилинганини айтди.
"Мен, ҳа деб ўйлайман. Қрим 12 йил олдин содир бўлган. Бу президент (АҚШ президенти Барак - таҳр.) Обама эди. Улар уни бирорта ҳам ўқ олмаган ҳолда таслим қилишди. Шунинг учун менга Қрим ҳақида гапирманг. Обамадан сўранг", — деди у.