ТОШКЕНТ, 25 апр – Sputnik. Киевга зарба бериш натижасида хорижлик муҳандислар билан бирга реактив тизимлар ва "Нептун" ракеталарини ишлаб чиқарувчи корхона вайрон бўлди, деди Николаев вилоятидаги қаршилик ҳаракати координатори Сергей Лебедев РИА Новостига.
"Реактив зенит тизими ва "Нептун" ракеталари учун двигателлар ишлаб чиқарилган ер ости устахонаси бутунлай вайрон қилинган. У ерда учувчисиз самолётлар учун ҳам, двигателлар ҳам ишлаб чиқарилган. Корхонада Ғарб томонидан етказиб берилган дастгоҳлар ва бошқа юқори технологияли ускуналарнинг ишлаши учун масъул бўлган хорижлик муҳандислар билан бирга йўқ қилинган", - деди агентлик манбаси.
Бундан ташқари, учувчисиз аппаратлар йиғиш цехи, конструкторлик бюроси ва самолёт таъмирлаш билан шуғулланган бир нечта ангарлар ҳамда ёлланма аскарлар яшаб, машғулот ўтказган вақтинчалик яшаш пункти яксон қилинди.
Украина Қуролли кучлари экипажсиз кемалар учун бошқарув тизимларини ўрнатган ускуналар билан жиҳозланган устахона ҳам йўқ қилинган.
Украина Қуролли кучлари экипажсиз кемалар учун бошқарув тизимларини ўрнатган ускуналар билан жиҳозланган устахона ҳам йўқ қилинган.
“Ускуналар, мутахассислар ва жўнатишга тайёр бўлган экипажсиз катерлар ҳам йўқ қилинди”, — дея қўшимча қилди Лебедев.
Украина Қуролли кучларининг фуқаролик объектларига ҳужумларига жавобан Россия қўшинлари мунтазам равишда шахсий таркиб, техника ва ёлланма аскарларнинг жойлашган жойларига, шунингдек, Украина инфратузилмасига: мудофаа саноати объектларига, ҳарбий қўмондонлик ва алоқа воситаларига зарба беради.
Шу билан бирга, Кремль матбуот котиби Дмитрий Песков армия турар-жой бинолари ва ижтимоий муассасаларга зарба бермаслигини бир неча бор таъкидлаган.