ТОШКЕНТ, 21 апр — Sputnik. АҚШ президенти Дональд Трамп шу ҳафтада Россия ва Украина ўртасида келишувга эришишга умид қилмоқда. Бу ҳақда у ўзининг ижтимоий тармоқдаги Truth Social саҳифасида маълум қилди.
“Умид қиламанки, Россия ва Украина шу ҳафта келишувга эришади”, — деб ёзади АҚШ етакчиси.
Унинг қўшимча қилишича, шундан сўнг ҳар икки давлат ҳам “гуллаб-яшнаётган АҚШ билан бизнес юрита бошлайди ва бойлик орттиради”.
Россия президенти матбуот котиби Дмитрий Песковнинг қайд этишича, Россия ва АҚШ Украина масаласи устида ишламоқда ва Москва бу натижа беришига умид қилмоқда.
Президент Путин ва Россия томони тинч йўл билан келишув излаш учун очиқлигича қолмоқда ва Америка томони билан ҳамкорликни давом эттирмоқда. Ва, албатта, бу иш ўз натижасини беради деб умид қиламиз”, — деди Песков журналистларнинг Кремль Трампнинг сўзларига қандай изоҳ бериши мумкинлиги ҳақидаги саволига жавобан.
Эслатиб ўтамиз, 18 март куни президент Владимир Путин Трамп билан суҳбатда можаро томонларининг 30 кун давомида энергетика инфратузилмасига ҳужум қилишдан ўзаро тийилиш ғоясига ижобий жавоб берди ва ҳарбийларга буйруқ берди. Владимир Зеленский ҳам Киев расмийлари бу таклифни қўллаб-қувватлашига ваъда берди.