TOШКЕНТ, 21 апр — Sputnik. Минскда 22 апрель куни Мустақил Давлатлар Ҳамдўстлиги (МДҲ) Доимий вакиллари кенгашининг навбатдаги мажлиси бўлиб ўтади, дея хабар берди МДҲ Ижроия қўмитаси матбуот хизмати.
Доимий вакиллар 11 апрель куни Олмаотада бўлиб ўтган МДҲ Ташқи ишлар вазирлари кенгаши йиғилиши якунларини сарҳисоб қилади, Ташқи ишлар вазирлари кенгашида қабул қилинган ҳужжатлар ва эришилган келишувларни амалга ошириш бўйича вазифаларни белгилаб беради.
Бундан ташқари, 2024 йилда МДҲда Кўнгиллилар Ҳаракати йилини ўтказиш бўйича тадбирларнинг амалга оширилиши муҳокама қилинади. Шунингдек, 1941–1945 йиллардаги Улуғ Ватан урушидаги Ғалабанинг 80 йиллиги муносабати билан матбуот-хабари лойиҳаси кўриб чиқилади.
Эслатиб ўтамиз, 25 февраль куни Беларусь пойтахтида Мустақил Давлатлар Ҳамдўстлиги Доимий вакиллари кенгаши йиғилиши бўлиб ўтган эди.