ТОШКЕНТ, 20 апр — Sputnik. Ўзбекистонлик боксчилар Россиядаги турнирда 16 та медаль қўлга киритишди, дея хабар берди Миллий олимпия қўмитаси матбуот хизмати.
Россия Федерациясининг Хабаровск шаҳрида бокс бўйича халқаро хотира турнири ўз якунига етди. Унда иштирок этган Ўзбекистон терма жамоаси 4 та олтин, 5 та кумуш ва 7 та бронза медали билан умумжамоа ҳисобида мезбонлардан кейин иккинчи ўринни эгаллади.
В городе Хабаровск Российской Федерации завершился международный турнир памяти по боксу.
© НОК
Олтин медаль: -75 кг: Азиза Зокирова, -63,5 кг: Абдуллоҳ Мадаминов, -75 кг: Нурислом Исмоилов, -86 кг: Нусратбек Тоҳиров.
Кумуш медаль: -50 кг: Гулсевар Ғаниева, -60 кг: Шоҳруҳ Абдумаликов, -71 кг: Муҳаммадазизбек Исмоилов, -80 кг: Раҳматилло Бойматов, -86 кг: Шоҳжаҳон Абдуллаев.
Бронза медаль: -57 кг: Хуморабону Мамажонова, -60 кг: Рашида Тагирова, -66 кг: Айсанем Саруарова, -54 кг: Фарёзбек Дўсматов, -57 кг: Санжар Ваҳобов, -63,5 кг: Адҳамжон Муҳиддинов, -71 кг: Асилбек Абдураҳмонов.
В городе Хабаровск Российской Федерации завершился международный турнир памяти по боксу.
© НОК
Бу йил турнир айниқса рамзий маънога эга, чунки у икки муҳим сана Буюк Ғалабанинг 80 йиллигига ва Хабаровск боксининг 100 йиллигига тўғри келди.
Мусобақа Узоқ Шарқ минтақасидаги энг нуфузли мусобақалардан бири бўлиб, анъанавий тарзда энг кучли спортчиларни бирлаштирди. Унда Россия, Мўғулистон, Тунис, Қозоғистон, Ироқ, Тожикистон, Ўзбекистон, Сенегал, Конго, Куба, КХДР, Хитой, Жанубий Корея, Қирғизистон, Беларусь ва Грузия каби 16 давлатдан 150 нафардан ортиқ спортчи медаллар учун кураш олиб борди.