ТОШКЕНТ, 15 апр — Sputnik. Москва АҚШ президенти Дональд Трамп билан Россияни тузоққа туширадиган келишувга эришмасликни билади. Бу ҳақда Россия ташқи ишлар вазири Сергей Лавров “Коммерсант”га берган интервьюсида маълум қилди.
“Энди, бизга нормал (Дональд Трамп айтганидек) “келишувлар” таклиф қилинганида, биз буни яхши маънода қабул қиламиз. Биз ҳеч қачон рад этмаган ўзаро манфаатли битим ва бизни навбатдаги "тузоққа" тушириши мумкин бўлган битим қандай кўринишга эга эканлигини яхши биламиз”, — деди Лавров.
Россия ТИВ раҳбарининг таъкидлашича, Трампнинг ташқи сиёсати АҚШнинг миллий манфаатларини ҳимоя қилишга асосланган, бироқ Америка президенти бу манфаатлар мос келганда бошқа давлатлар билан мулоқотга тайёр.
Лавров бу ёндашувни прагматик ва муҳокамага лойиқ деб ҳисоблади. Шу билан бирга, Россия ташқи ишлар вазири Вашингтон билан муносабатлар тиклангач, Москва иқтисодий, техник, ҳарбий ва бошқа соҳаларда қарамликнинг такрорланишига йўл қўймаслиги кераклигини таъкидлади.