Сторителлингни қандай ёзиш керак: Тошкентда SputnikPRO маҳорат дарси бўлиб ўтди

Тадбир SputnikPRO лойиҳаси доирасида бўлиб ўтди. Маърузачи сифатида “Россия сегодня” медиагуруҳининг Янги медиа дирекцияси директори ўринбосари Артём Буфтяк нутқ сўзлади. У сторителлинг ҳикоялар қандай яратилиши, бу жанр қаерда қўлланилиши, унинг бошқалардан нимаси билан фарқ қилиши, матнда кинодан олинган қандай усуллардан фойдаланиш мумкинлиги ҳақида гапирди. Иштирокчилар – факультет талабалари ва ўқитувчилари.

Буфтякнинг сўзларига кўра, асосийси матн нима ҳақида эканлигини аниқ тушунишдир.

"Ўтириб, ҳикоя моҳиятини қисқача шакллантириш керак. Иш бермаётган бўлса, қаердадир хатога йўл қўйгансиз", – дея таъкидлади у.

Маърузачи, шунингдек, хронологияга риоя қилиш муҳимлигини таъкидлади.

"Флешбеклар матнни бузади. Кинода бу усул мумкин, чунки унда визуал мавжуд. Матнда ўқувчи шунчаки матнни ўқишни тўхтатиши мумкин. Тартиб билан ёзинг – шунда уни охиригача ўқилиши имконияти юқори бўлади", - деди эксперт.

Шунингдек, у тузилманинг аҳамиятини эслатди.

"Усиз матн ноқулай бўлади. Уч актли схемани олинг: кириш, конфликт, ечим. Агар унга амал қилсангиз, хато қилиш қийин бўлади", - деди маърузачи.

Буфтяк ҳикояда муаммо бўлиши кераклигини қўшимча қилди.

"Муаммосиз ҳикояни ўқиш қизиқ эмас. Агар бу уйдирма ҳикоя бўлса, муаммони ўйлаб топиш мумкин, агар у ҳақиқат бўлса, муаммо ўрнини таъкидлаб кўрсатиш зарур", - дейди у.

У, шунингдек, одатий хатони тушунтирди: "нима бўлди" ва "нима учун" саволларига шунчаки фактлар билан жавоб бериш.

"Фактлар – бу “нима, қаерда, қачон”. Аммо "нима учун" – ўз тарихига эга. Нега айнан шу инсон билан, нега айнан ҳозир? Ушбу саволларга жавоб бериш орқали сиз сюжетни шакллантирасиз. Ҳикоя вакуумда бўлиши мумкин эмас – унга "безаклар" керак", - дея тушунтирди Буфтяк.

Маърузачи материалнинг қиймати ҳақида ҳам эслатиб ўтди.

"Муаллиф ўз ҳикояси нима учун муҳимлигини кўрсатиши керак. Агар уч актли тузилма билан ишлаётган бўлинса, муаммони, оқибатларини ва таъсирини кўрсатиш керак. Аммо агар схемадан четга чиқиш вақти келганини ҳис қилсангиз, қўрқманг", - деди "Россия сегодня" мутахассиси.

Тадбир савол-жавоб билан якунланиб, талабаларга амалий маслаҳат ва тавсиялар берилди.

Маълумот учун: SputnikPRO – Sputnik агентлиги ташаббуси билан ОАВ соҳасидаги халқаро таълим лойиҳаси. Бу журналистлар, матбуот котиблари, блогерлар ва олий ўқув юртларининг ихтисослаштирилган бўлимларининг юқори курс талабалари учун энг яхши рус ва хорижий ОАВ менежерлари, экспертлари ва агентликнинг етакчи мутахассислари томонидан ноёб семинарлар, маърузалар ва маҳорат дарслари тизимидир.