ТОШКЕНТ, 9 апр – Sputnik. 29-31 май кунлари Мўйноқда “Стихия” электрон мусиқа, санъат ва фан фестивали бўлиб ўтади.
Бу йил фестивалнинг асосий ғояси меҳмонларга қаратилган. Фестиваль уларнинг тажрибаларини, ҳикояларини акс эттиради, олдинги “Стихия”ларда уларга ва уларнинг атрофида нималар содир бўлганини маълум қилади.
Лойиҳа 2017 йилда Мўйноқ шаҳрида Орол денгизининг экологик ҳалокатидан хабардорликни ошириш ва минтақанинг барқарор ривожланишига кўмаклашиш, шунингдек, Ўзбекистонда яшовчи халқларни бутун дунёга танитиш мақсадида ишлаб чиқилган.
Ҳар йили фестиваль ёш ва кекса санъаткорлар, истеъдодли мусиқачилар, маърузачилар ва мутахассисларни бирлаштиради ва шу билан фестиваль меҳмонлари учун ноёб тажриба яратади.
Бу йил фестивалда Россия, Хитой, Швейцария, Ҳиндистон, Австралия, Исландия, Германия, Марказий Осиёдан Ўзбекистон, Туркманистон, Тожикистон, Қозоғистон санъаткорлари иштирок этади.
Мусиқий дастурдан ташқари, фестивалда турли тадбирлар ва ташаббуслар ўтказилади: STIHIA N+1 форуми, экобрендлар, шунингдек, маҳаллий Мўйноқ ҳунармандлари ярмаркаси, маҳорат дарслари, воркшоплар, йога, ўйинлар шулар жумласидан.