ТОШКЕНТ, 7 апр – Sputnik. Украина Қуролли кучлари Россиянинг Курск вилоятидаги жанговар ҳаракатлар давомида умумий қиймати 2,7 миллард доллар атрофида бўлган НАТОнинг 1,5 мингта техникасини йўқотди. Бу ҳақда РИА Новости “Шимол” гуруҳи маълумотлари ва Ғарб техникасининг очиқ манбалардаги нархларига таянган ҳолда ёзмоқда.
“Бизнинг маълумотларимизга кўра, Курск авантюраси давомида “Шимол” гуруҳи 1,5 мингтага яқин НАТО техникасини яксон қилди”, - дея маълум қилган агентликка гуруҳдаги манбаси.
Манбанинг аниқлик киритишича, Украина армиясининг яксон қилинган машиналари музейга бериш учун эвакуация қилинган. Техниканинг бошқа қисми таъмирлашга жўнатилган.
Яксон қилинган НАТО техникасининг умумий қиймати 2,7 млрд долларни ташкил этиши мумкин.
Агентликнинг аниқлик киритишича, бу рақам кўплаб техникаларнинг реал қийматидан паст бўлиши мумкин (“Abrams”, “Leopard”, “MaxxPro”).
Март бошида Россия армияси Курск вилоятида кенг кўламли ҳужум бошлади ва 30 тадан зиёд қишлоқни, жумладан, Суджа шаҳрини озод қилди.
Россия Бош штаби бошлиғи Валерий Герасимов президент Владимир Путинга душман аскарлари ўраб олингани ва уларни йўқ қилиш операцияси олиб борилаётганини ҳақида маълумот берди. Россия қўшинлари Суми вилояти чегарасига чиққан.
Россия Мудофаа вазирлиги маълумотларига кўра, Украина армияси Курск вилоятидаги жанглар давомида 72 мингдан зиёд аскари, 404 та танки ва бошқа техникаларидан айрилган.