ТОШКЕНТ, 6 апр — Sputnik. Федерация Кенгаши раиси Валентина Матвиенко Тошкентда Ўзбекистонга эрта болаликдан эвакуация қилинган, иккинчи ватанига айланган Улуғ Ватан уруши фахрийлари ва Ленинград қамалидан омон қолганлар билан учрашди.
Мазкур учрашув Россия парламенти юқори палатаси раҳбарининг Парламентлараро иттифоқнинг 150-ассамблеясида иштирок этиш учун Ўзбекистонга ташрифи дастурининг муҳим нуқтаси бўлди.
Валентина Матвиенко встретилась в Ташкенте с ветеранами Великой Отечественной войны и блокадниками Ленинграда, которые в раннем детском возрасте были эвакуированы в Узбекистан, ставший для них вторым домом.
© Совет Федерации
Ўзбекистон Ғалабага улкан ҳисса қўшди, 2 миллиондан ортиқ аҳоли фронтга кетди, беш юз мингдан ортиқ киши жанг майдонида ҳалок бўлди, деди Федерация Кенгаши раиси.
“Ўзбекистонлик жангчилар Улуғ Ватан урушининг барча муҳим жангларида, жумладан, Ленинград жангида ҳам қатнашган. Она шаҳрим Санкт-Петербургдаги Пискарёвское мемориал қабристонида Ленинградни озод қилиш учун ҳалок бўлган ўзбекистонлик қаҳрамонларга бағишланган хиёбон ташкил этилган. Петербургликлар эса уларнинг жасоратига ҳурмат бажо келтириб, қабрларига гуллар олиб келишади. Уруш йилларида Тошкент ва Ўзбекистоннинг бошқа шаҳарлари юз минглаб кўнгли очиқ одамларга бошпана берди, ғамхўрлик қилди", — деди Валентина Матвиенко.
Унинг сўзларига кўра, улар орасида ҳаёти сақланиб қолган етимлар ҳам бор. Бу ерга қамалда қолган Ленинградлик болалар эвакуация қилинган. “Ўзбекистон чинакам раҳм-шафқат ва қаҳрамонона меҳмондўстлик кўрсатди, буни барчамиз эслаймиз”, дея қайд этди у.
Валентина Матвиенко встретилась в Ташкенте с ветеранами Великой Отечественной войны и блокадниками Ленинграда, которые в раннем детском возрасте были эвакуированы в Узбекистан, ставший для них вторым домом.
© Совет Федерации
Федерация Кенгаши Раиси республиканинг барча аҳолиси ва Ўзбекистон раҳбариятига бугунги кунда ҳам уруш хотирасини авайлаб сақлаётгани, фахрийларга кўрсатилаётган илиқлик ва эътибор учун миннатдорлик билдирди. У тарихни қайта ёзишга уринишларга йўл қўйиб бўлмаслигини, афсуски, ҳозир айрим мамлакатларда кузатилаётганини таъкидлади.
Федерация Кенгаши Раиси уруш фахрийлари ва қамалда омон қолганларга Россия президентининг фармони билан уруш фахрийларининг буюк жасорати, қаҳрамонлиги ва фидойилигига чуқур ҳурмат белгиси сифатида таъсис этилган “1941-1945 йиллардаги Улуғ Ватан урушидаги Ғалабанинг 80 йиллиги” юбилей медалини топширди.
Председатель Совфеда РФ вручила юбилейные медали "80 лет Победы в Великой Отечественной войне 1941-1945 гг." ветеранам Узбекистана
© Пресс-служба Совета Федерации Федерального Собрания
Медаллар Сталинград мудофааси ва Курск жанги қатнашчиси Акмал Акрамов, Минск яқинидаги жанглар иштирокчиси Фёдор Федин, қамалда қолган Ленинграднинг Ўзбекистондан бошпана топган фуқаролари: Валерия Саприко, Тамара Циглинцева, Маргарита Филанович, Мария Соколова, Тамара Сколичова, Тамара Смолич ва Юрий Смоличга топширилди.
Председатель Совфеда РФ вручила юбилейные медали "80 лет Победы в Великой Отечественной войне 1941-1945 гг." ветеранам Узбекистана
© Пресс-служба Совета Федерации Федерального Собрания
"Биз сиз билан фахрланамиз, сизни ҳурмат қиламиз ва севамиз. Мен сизга таъзим қилиб, сиз биздаги энг қимматли нарса эканлигингизни айтмоқчиман!" — дея қўшимча қилди Валентина Матвиенко.