ТОШКЕНТ, 3 апр — Sputnik. Венгрия ҳукумати Халқаро жиноий суддан (ХЖС) чиқишга қарор қилди. Бу ҳақда Венгрия бош вазири маъмурияти раҳбари Гергей Гуйяш маълум қилди.
“Ҳукумат Халқаро жиноий суддан чиқишга қарор қилди. Конституция ва халқаро ҳуқуқий асосга мувофиқ тугатиш тартиби пайшанба куни ҳукумат томонидан бошланади”, - дея Гуйяшнинг сўзларини келтирди MTI агентлиги.
Бу Исроил бош вазири Биньямин Нетаньяхунинг ташрифи фонида содир бўлди, ХЖС 2024 йил ноябрь ойида уни ҳибсга олишга ордер берган.
Жараёнга Исроил ҳукумати раҳбарига қарши Ғазо секторидаги тахминий ҳарбий жиноятларда айблов сабаб бўлган. Бундан ташқари, суд собиқ мудофаа вазири Йоав Галантни ҳам ҳибсга олмоқчи.
Венгрия бош вазири Виктор Орбан 2024 йил ноябрида Нетаньяхуни мамлакатга таклиф қилиш ва Халқаро жиноий суд қарори унинг ҳудудида ижро этилмаслигини таъминлаш ниятида эканини айтган эди.
Гергей Гуйяшнинг айтишича, Венгрия ХЖС низомини ратификация қилмаган, шунинг учун Исроил бош вазири ҳибсга олиш ордеридан қўрқмасдан мамлакатга хотиржам келиши мумкин.