ТОШКЕНТ, 31 мар – Sputnik. Владимир Зеленский Украина НАТОга аъзо бўлишини истайди, бироқ бу ҳеч қачон содир бўлмаслигини тушунади. Бу ҳақда АҚШ президенти Дональд Трамп маълум қилди, дея ёзади РИА Новости.
“У (Зеленский) НАТО аъзоси бўлишни хоҳлайди. Бироқ у ҳеч қачон НАТОга аъзо бўлмайди, у буни тушунади”, - деди Трамп журналистларга.
Трамп февралда Британия бош вазири Кир Стармер билан учрашувда Украинанинг НАТОга аъзо бўлиши содир бўлмаслигини маълум қилганди. Унинг фикрича, агар унинг ўтмишдоши Жо Байден Киевга альянсда аъзоликни ваъда қилмаганда, Украинадаги ҳарбий ҳаракатлар бошланмаган бўларди.
Россия Украинанинг НАТОга қўшилишига қарши чиқмоқда. Россия президенти Владимир Путин махсус ҳарбий операция бошлашнинг сабабларидан бири Украинанинг НАТОга қўшилишга интилиши бўлганини таъкидлаган.