ТОШКЕНТ, 31 мар – Sputnik. Россия ва АҚШ Украина можаросини ҳал қилиш билан боғлиқ ғояларни амалга ошириш устида ишламоқда, бироқ ҳозирча аниқлик йўқ. Бу ҳақда Россия президенти матбуот котиби Дмитрий Песков маълум қилди.
“Шунингдек, Украина можаросини ҳал қилиш билан боғлиқ ғояларни амалга ошириш устида ишламоқдамиз. Иш олиб борилмоқда. Ҳозирча сизга маълум қилишимиз мумкин бўлган бирор бир аниқлик йўқ. Бу моҳият мураккаблиги билан боғлиқ чўзилган жараён”, - деди Кремль вакили.
30 март куни “NBC News” телеканали Оқ уй раҳбари сўзларига таяниб, АҚШ президенти Дональд Трамп тез орада россиялик ҳамкасби Владимир Путин билан яна телефон орқали суҳбатлашишга умид қилаётганини хабар қилган эди.