ТОШКЕНТ, 31 мар - Sputnik. Ўзбекистон, Тожикистон ва Қирғизистон давлат чегараларининг туташ нуқтаси тўғрисидаги шартнома имзолайди. Бу ҳақда Ўзбекистон президенти матбуот хизмати хабар берди.
Шартномани имзолаш маросими Ўзбекистон президенти Шавкат Мирзиёевнинг 31 март куни Тожикистоннинг Хўжанд шаҳрига амалий ташрифи чоғида бўлиб ўтиши кутилмоқда.
Ташриф дастурига мувофиқ, Ўзбекистон, Тожикистон ва Қирғизистон етакчиларининг қўшма учрашуви ҳамда икки томонлама музокаралар ўтказилиши режалаштирилган.
Кун тартибидан мамлакатлар ўртасидаги дўстлик, яхши қўшничилик ва стратегик шериклик муносабатларини янада мустаҳкамлаш, савдо-иқтисодий ва маданий-гуманитар ҳамкорликни кенгайтириш масалалари ўрин олган.
Давлат раҳбарлари санъат усталарининг қўшма концертида ҳам иштирок этишади.