TOШКЕНТ, 24 мар — Sputnik. Евроосиё иқтисодий иттифоқи (ЕОИИ) доирасида адолатли рақобат муҳити шаклланишда давом этмоқда. Бу ҳақда Евроосиё иқтисодий комиссияси (ЕИК) рақобат ва монополияга қарши тартибга солиш вазири Максим Ермолович маълум қилди, деб ёзмоқда комиссия матбуот хизмати.
Максим Ермолович Россиядаги Америка Савдо палатасининг XI конференциясидаги нутқида у Комиссиянинг ихтисослаштирилган бўлинмаси трансчегаравий бозорларда умумий рақобат қоидаларини бузиш ҳолатларини аниқлаш ва бартараф этишга алоҳида эътибор қаратаётганини таъкидлади.
Шу билан бирга, вазирнинг сўзларига кўра, бугунги кунда монополияга қарши тартибга солиш соҳасида ҳуқуқни қўллаш амалиёти, ЕОИИ судининг қарорлари, тадбиркорлик субъектлари томонидан кўтарилган масалалар ва глобал тенденцияларни ҳисобга олган ҳолда “мавжуд механизмларни нозик созлаш” талаб этилади.
“Биз учун жиддий чақириқ – бу маркетплейслар. Биз Иттифоқ доирасида қонунчилик ва ҳуқуқни қўллашда турли ёндашувларни бартараф этиш учун ушбу соҳани тартибга солишни уйғунлаштириш устида ишламоқдамиз”, — деди Максим Ермолович.
Унинг қўшимча қилишича, 2020 йилдан бери Комиссия рақамли бозорлардаги рақобат ҳолати бўйича қатор текширувлар ўтказган, "Яндекс", "Мейл.ру" ва бошқалар каби йирик ўйинчилар мобиль қурилмалар операцион тизимларига асосланган илова дўконлари фаолиятини таҳлил қилган.
"Комиссия бу ишда ҳар доим рақобат стандартларига риоя қилиш заруратини биринчи ўринга қўяди", - дея тушунтирди вазир.
Ермолович комиссиянинг экспертлар ва бизнес ҳамжамиятлари билан ўзаро ҳамкорлик ҳамда давлат харидлари соҳасидаги фаолияти ҳақида гапирди. Муҳокама чоғида, хусусан, ЕОИИ мамлакатларида давлат харидлари бўйича тенг имкониятларни таъминлаш ва ўзаро етказиб беришнинг йиллик ўсишига эътибор қаратилди.
