ТОШКЕНТ, 19 мар — Sputnik. Россия ҳарбийлари Украина Қуролли кучларининг Курск чегара ҳудудидаги мағлубиятини якунламоқда, деди президент Владимир Путин Бош прокуратуранинг кенгайтирилган коллегиясида.
“Бизнинг қўшинларимиз яқинда бир қатор тезкор, анча дадил, самарали операцияларни амалга ошириб, Курск вилоятида душман қўшинлари гуруҳини мағлуб этишни якунламоқда”, — деди Россия президенти.
Путин ҳарбий прокурорларга Украина Қуролли кучларининг Россия ҳудудидаги ваҳшийликларини аниқлаш, қайд этиш ва тергов қилишни топширди.
"Курск вилоятида тинч аҳолига қарши жиноят содир этганларнинг барчаси аниқланиб, террорчилар сифатида жазоланиши керак", — дея таъкидлади Россия етакчиси.