ТОШКЕНТ, 16 мар — Sputnik. НАТО давлатларидан 30 га яқин офицер Курск вилояти атрофида жой олган. Бу ҳақда Николаевдаги Россияга хайрихоҳ бўлган қаршилик кўрсатиш мувофиқлаштирувчиси Сергей Лебедев РИА Новостига маълум қилди.
"Курск вилоятида атрофида НАТОнинг 30 нафарга яқин офицерлари мавжуд. Улар қўшинларга жойида қўмондонлик қилиш, шунингдек, НАТО сунъий йўлдошларидан разведка маълумотларини олиш ва Россия Федерацияси ҳудудига чуқур зарбаларни созлаш билан шуғулланган", — деди Лебедев.
Ўтган ҳафта охирида рус қўшинлари Курск вилоятида кенг кўламли ҳужумни бошлади ва бир неча кун ичида Украина Қуролли кучлари томонидан босиб олинган 1100 километрдан ортиқ ҳудудни, жумладан, Старая Сорочина, Малая Локня, Черкасское Поречное, Мартиновка ва Михайловка қишлоқларини озод қилди. Пайшанба куни Россия Мудофаа вазирлиги Суджа озод қилингани ҳақида хабар берди.