ТОШКЕНТ, 15 март – Sputnik. Венгрия бош вазири Виктор Орбан Х ижтимоий тармоғида Европа Иттифоқига 12 та талаб қўйди, жумладан, Украина билан боғлиқ чақириқни илгари сурди.
“Биз Европада тинчлик ва Украинасиз иттифоқни талаб қиламиз”, - деб ёзган Венгрия ҳукумати раҳбари.
Бир кун аввал бош вазир Брюссел Украинанинг 2030 йилгача Европа Иттифоқига аъзо бўлишини исташини, аммо сўнгги сўз Будапештда эканлигини айтди. Унинг қўшимча қилишича, Киевнинг иттифоққа кириши Венгрия иқтисодини вайрон қилади.
“Венгрия халқи Брюсселдан нима талаб қилади? Тинчлик, эркинлик ва бирдамлик бўлсин”, - деб ёзади Орбан.
Орбан Европа Иттифоқига аъзо барча давлатлар учун қонун олдида тенглик талабини қўйди. Бундан ташқари, у халқлардан ноқонуний равишда олинган ваколатларни тиклаш, шунингдек, миллий суверенитет ва аъзо давлатлар ҳукуматлари учун кучли вето ҳуқуқини талаб қилди.
Орбан америкалик миллиардер Жорж Сороснинг агентларини ҳайдаб чиқариш ва коррупцион лоббичиларни Европарламентдан четлаштириш, Европа Иттифоқи қарзини набираларига қолдирмаслик учун уни бартараф этишга чақирди.
“Чегараларни ҳимоя қилишга аралашманг ва муҳожирларни олиб кирманг ва ноқонуний келганларни чиқариб юборинг”, - дея қўшимча қилди бош вазир.
Венгрия ҳукумати раҳбари, шунингдек, Европа Иттифоқи мамлакатларига коррупцион пул оқимини тўхтатиш, болаларни ғайритабиий тарзда қайта ўқитишни тақиқлаш ва Европанинг насроний меросини ҳимоя қилишни талаб қилди.