ТОШКЕНТ, 12 мар — Sputnik. АҚШ президенти Дональд Трамп Россия президенти Владимир Путин билан шу ҳафта гаплашишини кутаётганини айтди, деб ёзмоқда РИА Новости.
“Мен Владимир Путин билан суҳбат қуришни режалаштирганман, тангога икки киши керак дейилган, тўғрими? Умид қиламанки, у ҳам рози бўлади (ўт очишни тўхтатиш - таҳр.) ва бу йўлнинг 75 фоизини ташкил қилади”, — деди Трамп Оқ уй ҳудудида журналистларга.
Журналистларнинг бу ҳафта Путин билан учрашув бўладими деган саволларига Трамп: “Мен ҳа деб ўйлайман”, дея жавоб берди.
АҚШ президенти Россия етакчисидан Украинадаги ҳарбий ҳаракатларни тўхтатишга рози бўлишини кутаётганини айтди. Унинг сўзларига кўра, америкалик делегатлар Россия томони билан эҳтимолий ўт очишни тўхтатиш шартларини муҳокама қилиш учун “бугун ёки эртага” музокаралар ўтказишни режалаштирмоқда.
Россия Ташқи ишлар вазирлиги матбуот котиби Мария Захарова РИА Новостига яқин кунларда Америка вакиллари билан мулоқот қилишни истисно қилмаслигини айтди.
“Биз кейинги бир неча кун ичида АҚШ вакиллари билан алоқаларни истисно қилмаймиз”, — деди у.