TOШКЕНТ, 12 мар — Sputnik. АҚШ президенти Дональд Трамп Киев ўт очишни тўлиқ тўхтатишга тайёрлигини айтди, деб ёзмоқда РИА Новости.
“Украинадан кўра, Россия билан муомала қилиш осонроқ эканини айтгандим, гарчи бунинг акси бўлиши керак эди. Лекин бу шундай, биз Россияни жалб қилишга умид қиламиз, лекин Украина томонида бизда тўлиқ оташкесим мавжуд, бу яхши”, — дейди у бизнес мавзусидаги давра суҳбатида.
Сешанба куни Саудия Арабистонида Украина ва АҚШ делегациялари ўртасида музокаралар бўлиб ўтди.
Америка томонидан давлат котиби Марко Рубио ва Дональд Трампнинг миллий хавфсизлик бўйича маслаҳатчиси Майкл Уолтц, бошқа томондан, ташқи ишлар вазири Андрей Сибига, Владимир Зеленский идораси раҳбари Андрей Ермак ва мудофаа вазири Рустем Умеров иштирок этишди.
Натижага кўра, Украина АҚШнинг зудлик билан 30 кунлик сулҳни жорий этиш таклифини қабул қилишга рози бўлди, томонлар келишуви билан бу муддат узайтирилиши мумкин.
Бунга жавобан Қўшма Штатлар разведка маълумотларини алмашишдаги танаффусни бекор қилди ва Киевга қурол етказиб беришни давом эттиришга рухсат берди.
Кейинроқ Трамп АҚШ делегатлари президент Владимир Путинни ўт очишни тўхтатишга рози бўлиш умидида Украина бўйича Россия вакиллари билан “бугун ёки эртага” учрашишини айтди. Шунингдек, у Россия раҳбари билан шу ҳафтага режалаштирилган суҳбатни ҳам эълон қилди.
