ТОШКЕНТ, 9 март — Sputnik. АҚШ президенти Дональд Трамп Россия билан яхши муносабатларни истайди, шунинг учун у Москва учун фойдали бўлган тинчлик битимини тузишга ҳаракат қилмоқда. Бу ҳақда АҚШ армиясининг истеъфодаги полковниги Дэниел Дэвис ижтимойи тармоқда маълум қилди, деб ёзмоқда РИА Новости.
“Трамп бор эътиборини можарога барҳам беришга қаратган. Аммо у келажакка ҳам қарайди, унинг учун икки қудратли давлат: Россия ва АҚШ ўртасида яхши муносабатлар ўрнатиш муҳим”, — деди у.
Таҳлилчи, шунингдек, Вашингтон Киевга АҚШ кўмагисиз Украина мағлубиятга учраши мумкинлиги ҳақида сигналлар юбораётганини таъкидлади.
“Трамп ҳисоб-китобларга берилиб кетган: даромадлар, харажатлар. Энди у қарайди ва тушунади: кучлар мувозанати ниҳоят Россия фойдасига ўзгарди, энди можарода АҚШнинг ҳеч қандай фойдаси йўқ, унинг давом этиши фақат кескинлашув ва учинчи жаҳон урушига олиб келади”, — дея хулоса қилди Дэвис.