ТОШКЕНТ, 23 фев — Sputnik. АҚШ президенти Дональд Трамп Украинадаги можарога барҳам бериш бўйича келишувга шу ҳафтадаёқ эришиш мумкинлигига ишончи комил. Бу ҳақда Оқ уй матбуот котиби Керолин Левитт маълум қилди, деб ёзмоқда РИА Новости.
"Президент ва унинг жамоаси ушбу можарога барҳам бериш учун ҳар икки томон билан музокаралар олиб боришга эътибор қаратмоқда ва у шу ҳафтанинг бошида бунга эриша олишимизга жуда ишонади", — деди у.
Маъмурият вакили Вашингтон фаол дипломатик саъй-ҳаракатларни давом эттираётганини, Миллий хавфсизлик бўйича маслаҳатчи Майк Уолтц шу ҳафта охирида келишувга эришиш ва можарога чек қўйиш учун туну-кун ишлашига қўшимча қилди.
Левиттнинг сўзларига кўра, Трамп тинчлик ва қотиллик тўхтатилиши ва бегуноҳ одамлар ўлишини тўхтатишга интилмоқда.
"Бу унинг ҳозирда асосий мақсади", — деди у.
Россия ва АҚШ президентларининг эҳтимолий учрашуви ҳақидаги саволга жавоб берар экан, у ҳозирча ҳеч нарсани эълон қила олмаслиги ёки аниқлик кирита олмаслигини айтди, бироқ Оқ уй ҳар икки томон билан музокараларни давом эттираётганини таъкидлади.