ТОШКЕНТ, 23 фев — Sputnik. Россия ва АҚШ президентлари Владимир Путин ва Дональд Трамп таниқли дунё етакчилари, шунинг учун уларнинг мулоқоти истиқболли, асосийси Украинадаги вазиятни тартибга солиш бўйича уларнинг сиёсий иродасини амалга оширишга ҳеч нарса халақит бермайди. Бу ҳақда Дмитрий Песков “Россия 1” телеканалидаги “Москва. Кремл. Путин” кўрсатуви муаллифи Павел Зарубинга маълум қилди.
“Бу ерда гап икки чинакам кўзга кўринган президент ўртасидаги мулоқоти ҳақида бормоқда. Бу истиқболли. Уларнинг сиёсий иродасини амалга оширишга ҳеч нарса халақит бермаслиги муҳим”, — деди у.
Путин ва Трамп телефон орқали суҳбатда Украина бўйича тинчлик музокаралари ўтказиш имконияти ва мақсадга мувофиқлиги ҳақида келишиб олишди, дея қўшимча қилди у.
Дмитрий Песковнинг қайд этишича, Владимир Зеленский бир неча бор давлат раҳбарлари ҳақида номақбул баёнотлар билан чиққан ва буни қайта-қайта қилмоқда.
“Президент Трамп сайловда Америка учун ноёб натижа билан ғалаба қозонди, ҳаттоки шубҳаланган штатларда ҳам. Президент Трамп иккала палатада ҳам партиявий назоратга эга. Яъни, ўз ҳокимиятининг барқарорлиги, қудрати нуқтаи назаридан у АҚШнинг мутлақо ноёб президенти”, — деди Песков.