ТОШКЕНТ, 19 фев — Sputnik. Владимир Зеленский Украина НАТО ва Европа Иттифоқига қўшилмагунча президент бўлиб қолиш ниятида. Бу ҳақда у ARD телеканалига берган интервьюсида айтиб ўтди, деб ёзмоқда РИА Новости.
Киев режими раҳбари ўз мамлакати хавфсизлик кафолатларини олмагунча, Европа Иттифоқи ва НАТОга қўшилмагунча, ўз лавозимини тарк этмаслигига шама қилди.
"Аммо бу содир бўлмагунча, мен ўз ватанимни ҳимоя қиламан", — деб қўшимча қилди Зеленский.
Чоршанба куни АҚШ президенти Дональд Трамп Украинада сайловлар ўтказиш зарурлигини қўллаб-қувватлаб, аҳоли орасида Владимир Зеленскийни қўллаб-қувватлаш даражаси пастлигига ишора қилди.
Владимир Зеленскийнинг ваколат муддати 2024 йил 20 майда тугаган. Украинада 2024 йилги президентлик сайловлари ҳарбий ҳолат ва умумий сафарбарлик сабаб бекор қилинди.
Аввалроқ Россия президенти Владимир Путин Украинада ягона қонуний ҳокимият парламент ва Олий Рада спикери эканлигини таъкидлаган эди. Унинг сўзларига кўра, агар Украина қонуний йўл билан президент сайлашни истаса, ҳарбий ҳолат тўғрисидаги қонунни бекор қилиш керак: унинг таъсири ўтган сайловлар натижаларини узайтиришни англатмайди, "конституцияда бу ҳақда ҳеч нарса йўқ".