ТОШКЕНТ, 2 фев — Sputnik. Дунёдаги энг катта айсберг А23а ўз майдонининг тахминан икки фоизини йўқотди, деб хабар берди Россия Арктика ва Антарктика тадқиқот институти матбуот хизмати ўзининг Telegram-каналида.
“А23а улкан айсберги ҳозирда Жанубий Атлантикада Жанубий Георгия оролидан 340 километр узоқликда сузмоқда. Секин-аста айланиб, ўн кун ичида қирғоқ чизиғидан тахминан 40 километр узоқлашди. 31 январда айсбергдан 80 квадрат километр майдонни эгаллаган катта муз парчаси ажралди, бу муз гигантининг икки фоизини ташкил қилади”, — деди Арктика ва Антарктика илмий-тадқиқот институтининг муз ва гидрометеорология бўйича бош мутахассиси Полина Солошук.
Унинг сўзларига кўра, 2023 йилнинг ноябрь ойидан бошлаб, тиниқ сувда сузиш даврида айсберг майдони деярли 11 фоизга қисқарган.
Крупнейший в мире айсберг А23а одномоментно потерял около 80 квадратных километров площади
© ААНИИ
Сайёрадаги энг катта айсберг А23а 1986 йил сентябрь ойида Фильхнер шельф музлиги ташқи четидан ажралиб чиққан. Айсберг 30 йилдан ортиқ вақт давомида марказий Уэдделла денгизида бўлган. 2023 йил ноябрь ойининг ўрталарида у "уйғонди" ва яна ҳаракатлана бошлади ва натижада у тоза сувга келиб қолди.