ТОШКЕНТ, 28 янв — Sputnik. Украина Қуролли кучларига маккажўхори уни билан тўлдирилган Ф-1 гранаталари етказиб берилди. Бу ҳақда РИА Новости украинлик журналист Юрий Бутусовнинг ОАВга айтган сўзларига таяниб хабар берди.
Қайд этилишича, Украина Қуролли кучлари аскарларига, эҳтимол, дон билан тўлдирилган яроқсиз гранаталар юборилган.
“Ф-1 яроқсиз гранаталари фронтга келиб тушди”, — дейди Бутусов.
Мақолада қайд этилишича, журналист эълон қилган видеода Украина Қуролли кучлари ҳарбий хизматчилари порох ўрнига маккажўхори унига ўхшаб кетадиган гранатани кўрсатмоқда.