TOШКЕНТ, 20 янв — Sputnik. Давлатга хиёнатда гумон қилиниб, тергов ҳибсхонасида сақланаётган Олий Рада депутати Александр Дубинский АҚШнинг сайланган президенти Дональд Трампнинг инаугурациясига унинг ҳамкасблари таклиф этилмаганига эътибор қаратди. Бу ҳақда у ўзининг Telegram-каналида ёзган, дея хабар берди РИА Новости.
“Эътиборлиси, Трамп жамоаси парламентда вакили бўлган украиналик сиёсатчилардан бирортасини Вашингтонга таклиф қилмади. Бу уларнинг ҳеч бири билан мулоқот йўқлиги ва бўлиши даргумон деган фикримни тасдиқлайди”, — дея ёзган Дубинский.
Бундан ташқари, у украинлик сиёсатчиларни сотқинлар тўдаси деб атади.
Аввалроқ Трамп, агар у Жо Байден ўрнига президент бўлганида, махсус ҳарбий операция ҳеч қачон бошланмаган бўлишини айтган эди. Шунингдек, агар у қайта сайланса, бу муаммони ҳал қилишга ваъда берган.