ТОШКЕНТ, 13 янв — Sputnik. Ўзбекистон 11 ойда 205,5 минг тонна узум экспорт қилган. Бу ҳақда Статистика агентлиги маълум қилди.
Қайд этилишича, Ўзбекистон 2024 йилнинг январь-ноябрь ойларида қиймати 174,7 млн долларга тенг бўлган 205,5 минг тонна узум экспорт қилган.
Ўзбекистон 2024 йилнинг 11 ойида энг кўп узум экспорт қилган давлатлар:
Россия – 164,2 минг тонна;
Қозоғистон – 19,4 минг тонна;
Қирғизистон – 14,5 минг тонна;
Беларусь – 6,6 минг тонна;
Украина – 334 тонна;
Мўғулистон – 128 тонна;
Бошқа давлатлар – 393 тонна.
Бугунги кунда Ўзбекистонда узум ва бошқа резаворларнинг 18 нави етиштирилади, шундан 13 таси Тошкент вилоятида махсус яратилган. 2021-2023 йилларда республикада 88,3 минг гектар, шундан 2023 йилда 14,4 минг гектар узумзорлар барпо этилди.