ТОШКЕНТ, 11 янв — Sputnik. Евроосиё иқтисодий иттифоқи (ЕОИИ) ва Хитой савдо-иқтисодий ҳамкорлик бўйича йўл харитасини ишга туширмоқда. Бу ҳақда Евроосиё иқтисодий комиссияси (ЕИК) матбуот хизмати хабар берди.
10 январь куни ЕИК майдонида ЕИК Савдо сиёсати департаменти директори Владимир Серпиков ва Хитойнинг Россиядаги элчихонасининг савдо-иқтисодий масалалар бўйича мухтор вазири Лю Цзин ўртасида ишчи учрашув бўлиб ўтди.
Томонлар ўзаро ҳамкорликнинг ҳозирги ҳолати ва ривожланиш истиқболларини, Евроосиё иқтисодий иттифоқи ва Хитой ўртасида савдо-иқтисодий ҳамкорлик тўғрисидаги битимни амалга ошириш бўйича Қўшма комиссиянинг тўртинчи йиғилишидаги келишувларни амалга ошириш ҳолатини, шунингдек, 2023 йилда тасдиқланган ЕОИИ-ХХР йўл харитасини амалга оширишни муҳокама қилди.
Бундан ташқари, 2025 йилда Иттифоқ давлатларидан бирида ўтказилиши режалаштирилган Қўшма комиссиянинг бешинчи йиғилишига фаол тайёргарлик кўришни бошлаш бўйича келишувга эришилди.