ТОШКЕНТ, 6 дек – Sputnik. Абхазияда давлат сектори ходимларига, жумладан, хавфсизлик кучларига маош тўлаш учун маблағ йўқ, деди республика молия вазири вазифасини бажарувчи Владимир Делба.
“Яна бир бор маълум қилмоқчиманки, бугунги кунда республика бюджети ҳисобидан ҳеч бир давлат сектори ходимига маош тўланмаяпти, албатта хавфсизлик блокига, ҳуқуқни муҳофаза қилиш органларига бугунги кунда улар иш ҳақи ва, албатта, қонунимизда кўзда тутилган бошқа мажбурий харажатларни молиялаштирмайди, - деди Делба президент в.б. Бадра Гунба иштирокидаги йиғилишда.
Абхазия молия вазирининг айтишига кўра, давлат бюджетидаги барча маблағ Россия Федерациясидан электр энергияси сотиб олишга сарфланмоқда.
“Агар биз барча маблағларни электр энергия сотиб олишга сарфлашда давом этсак, унда иш ҳақини тўламаймиз, деб очиқ айтишимиз керак”, — деди Делба.
Маълумот учун, Россия 1 сентябрдан бошлаб Абхазияга молиявий-иқтисодий ёрдам доирасида ижтимоий тўловлар тўлашни тўхтатди. Бу пуллар ўқитувчилар, шифокорлар ва ҳуқуқ-тартибот идоралари ходимларига қўшимча тўловлар учун ишлатилади.
Шунингдек, куз-қиш давридаги энергия тақчиллиги даврида республикага электр энергияси тижорий нархда сотиб олиш бошлади. Буларнинг барчаси Абхазия томонининг Россия Федерацияси ва Абхазия қонунчилигини уйғунлаштириш доирасида ўз зиммасига олган мажбуриятларини бажармагани туфайли содир бўлди.
Ҳар йили ноябрдан апрелгача Абхазияда электр энергияси тақчиллиги кузатилади. Абхазияни электр энергияси билан таъминлайдиган Ингур ГЭСда сув сатҳи пасаяди.
Энергия тақчиллигини қоплаш учун Абхазия уни Россия Федерациясидан импорт қилишга мажбур. Ҳар куни республикага 15 миллион рубллик электр энергияси керак. Бу маблағлар 2024 йилги бюджетга киритилмаган, шунинг учун ҳукумат тўлов воситаларини топиш учун фавқулодда чоралар кўрмоқда. Электр энергиясини тежаш мақсадида кунига 4 соатлик ўчиришлар жорий этилган.
Энергия тақчиллигини қоплаш учун Абхазия уни Россия Федерациясидан импорт қилишга мажбур. Ҳар куни республикага 15 миллион рубллик электр энергияси керак. Бу маблағлар 2024 йилги бюджетга киритилмаган, шунинг учун ҳукумат тўлов воситаларини топиш учун фавқулодда чоралар кўрмоқда. Электр энергиясини тежаш мақсадида кунига 4 соатлик ўчиришлар жорий этилган.