TOШКЕНТ, 2 дек — Sputnik. Ўзбекистон ва Қозон федерал университети (ҚФУ) ўртасидаги ҳамкорлик ривожланмоқда, дея хабар берди "Дунё" АА.
Ўзбекистон бош консули Нодиржон Қосимов ҚФУ ректори Ленар Сафин билан учрашди.
Учрашувда ректор Жиззах вилоятидаги ҚФУ филиали мазкур ОТМнинг Марказий Осиёдаги бош стратегик лойиҳаси эканини таъкидлаб ўтди.
"Ректор олий таълимни ташкил этишнинг кенг кўламли стратегик йўналишлари бўйича ўзбекистонлик ҳамкорлари билан алоқаларни кенгайтиришга умид билдирди", — дейилади хабарда.
Учрашувда Ўзбекистоннинг 70 та илмий-таълим ташкилоти, жумладан, етакчи университет ва илмий марказлар билан ҳамкорликдаги фаолиятнинг устувор йўналишлари ҳам муҳокама қилинди.
Қосимов ўз сўзида ҚФУда ўзбекистонлик талабаларни ҳар томонлама кўллаб-қувватланишига ва сифатли таълим олиши учун зарур шароитлар яратилганига алоҳида эътибор қаратди. Қайд этилишича, бу келгусида маданий ва тарихий алоқаларни мустаҳкамлашга хизмат қилади.