ТОШКЕНТ, 18 ноя — Sputnik. Ўзбекистонлик мактаб ўқувчилари “Ақл кучи” лойиҳасининг II Халқаро муҳандислик танловида кумуш медални қўлга киритди, дея хабар берди лойиҳа ташкилотчилари.
Интеллектуал жангда 10 та давлатдан 80 та жамоа иштирок этди. Тошкент шаҳри жамоаси кучли учликка кирди ва Беларусь, Қирғизистон, Мўғулистон, Молдова, Сербия, Тожикистон, Туркманистон, Туркия ва Россиядан келган рақибларини ортда қолдирди.
II Халқаро муҳандислик танлови "Ақл кучи" таълим лойиҳаси томонидан ўтказилди. 2022 йилдан бошлаб у хорижий мамлакатларда рус тилида аниқ фанларни оммалаштириб келмоқда: иштирокчи мактабларда бепул тўгараклар очилади, уларда мактаб ўқувчилари Россиянинг етакчи ўқитувчилари томонидан ишлаб чиқилган курс бўйича физика ва математика фанларини ўрганишади.
Школьники из Узбекистана взяли серебро II Международных инженерных соревнований проекта "Сила ума"
© Проект "Сила ума"
“13 ноябрь куни мусобақа иштирокчилари жонли эфирда учрашди, шундан кейингина топшириқни билиб олишди. Шартга кўра, болалар бўронли дарё билан бўлинган қишлоқни боғлайдиган кўприкни қоғоз ва лентадан қуришлари керак эди. Парталар "қирғоқлар" сифатида ишлатилди. Қурилиш материалларини олиш учун иштирокчилар физика ва математика масалаларини ечиш орқали балл тўплашлари мумкин бўлди. Ўтиш жойининг мустаҳкамлиги кичик "транспорт воситаси" - гугурт қутисини пастга тушириш орқали текширилди”, — дейилади лойиҳа хабарида.
Ташкилотчилар ҳисоб-китоб ва қурилиш учун 1 соат вақт ажратишди.
“Биргаликда ишлаш натижасида тузилма пайдо бўлганида, сиз йигитларнинг ҳаяжон ва порлоқ кўзларини кўришингиз керак эди. Ҳамма бир-бирига ёрдам бериб, қўллаб-қувватлаб, натижа учун ҳаракат қилди. Биз янги мусобақаларни интиқлик билан кутамиз, — деди ўзбекистонлик ўқитувчи Ольга Игнатова.
Школьники из Узбекистана взяли серебро II Международных инженерных соревнований проекта "Сила ума"
© Проект "Сила ума"
Мусобақанинг олтин медалини Тожикистоннинг “Гагаринчилар” жамоаси, кумушни Ўзбекистоннинг “Қорақамиш” жамоаси, бронзани Тожикистоннинг “Ҳисор” жамоаси қўлга киритди.
Яна тўртта жамоа қуйидаги номинациялар бўйича махсус совринларга эга бўлади:
“Энг реал кўприк”: “№1 Лицей” жамоаси (Россия).
“Энг чиройли кўприк”: “Мунажжимлар” жамоаси (Тожикистон).
“Энг юк кўтарувчи кўприк”: “Қўрқмас етакчилар” жамоаси (Туркия) ва “Муҳташам саккизлик” жамоаси (Россия).
“Ижодкорлик, тезлик, яхши мувофиқлаштирилган жамоавий иш - буларнинг барчаси уларга ҳакамлар ҳайъатини забт этиш ва олдинга чиқишга имкон берди. Танловимизга қўшилган барчага яна бир бор миннатдорчилик билдирамиз. Улар орасида нафақат лойиҳамиз иштирокчилари, балки турли мамлакатлардан келган бошқа ўқитувчилар ва мактаб ўқувчилари ҳам борлигини алоҳида таъкидлаш лозим. Умид қиламизки, кейинги ўқув йилида улар ҳам жамоамизнинг бир бўлагига айланади”, — деди “Ақл кучи” лойиҳаси раҳбари Арсений Парфёнов.
Маълум қилинишича, 2022 йилдан бошлаб хориждаги рус тилидаги мактабларда Россия ва иштирокчи мамлакатлар ўқитувчилари томонидан дарс берадиган бепул физика ва математика тўгараклари очилмоқда.