ТОШКЕНТ, 17 ноя — Sputnik. Украина ҳарбий аэродромлари инфратузилмаси ва дронлар омборига зарба берилди, дея хабар берди Россия Мудофаа вазирлиги.
Россия қўшинлари Украина Қуролли кучлари ҳарбий аэродромлари инфратузилмасини, газ ишлаб чиқариш ва энергетика объектларини ҳамда учувчисиз самолётлар омборига зарба берди.
"Тезкор-тактик авиация, ҳужумчи учувчисиз учиш аппаратлари, ракета кучлари ва Россия Федерацияси Қуролли Кучлари қўшинлари гуруҳларининг артиллерияси ҳарбий аэродромлар инфратузилмаси, Украина ҳарбий-саноат комплекси корхоналарининг ишлаши учун фойдаланиладиган газ ишлаб чиқариш ва энергетика объектлари, учувчисиз учиш аппаратлари омбори, шунингдек, 144 та ҳудудда душманнинг аскарлари ва ҳарбий техникаси тўпланмасига зарар етказди”, — дейилади хабарда.
Қайд этилишича, ҳаво ҳужумидан мудофаа тизимлари Францияда ишлаб чиқарилган тўртта Hammer бошқариладиган бомбани, АҚШда ишлаб чиқарилган иккита HIMARS кўп ракета тизими ракетасини ва 108 та самолёт типидаги учувчисиз учиш аппаратини уриб туширган.