ТОШКЕНТ, 9 ноя — Sputnik. Евроосиё иқтисодий комиссияси (ЕИК), Маркетинг ва нархларни ўрганиш миллий маркази, шунингдек, Беларусь Давлат божхона қўмитаси томонидан Беларусда “ягона дарча” миллий механизмини ривожлантириш бўйича пилот лойиҳалар намойиши бўлиб ўтди. Бу ҳақда ЕИК матбуот хизмати хабар берди.
Тадбирда миллий “ягона дарча” механизмларини ривожлантириш лойиҳасини амалга оширишда иштирок этаётган ЕОИИ мамлакатлари, ЕИК, божхона хизматлари, давлат органлари ва бизнес вакиллари иштирок этди.
Тадбир иштирокчиларига Беларусда “Ташқи иқтисодий фаолият учун бир дарча” электрон платформасини яратиш лойиҳасининг ташкилий-ҳуқуқий жиҳатлари, “Е-Паслуга” порталининг функционал имкониятлари ва бошқарувчи божхона бизнес-жараёнлари тақдим этилди.
“Ягона дарча” механизми ЕОИИда ташқи иқтисодий фаолиятни ривожлантириш учун зарур шарт-шароитларни яратишга қаратилган истиқболли лойиҳадир. У прогрессив ташкилий, ҳуқуқий, техник ва технологик ечимлардан фойдаланган ҳолда “ягона дарча” механизмининг замонавий моделларини яратиш бўйича жаҳон тажрибасини бирлаштиради”, — деди ЕИКнинг божхона ҳамкорлиги бўйича вазири Руслан Давидов.
Таъкидланишича, аъзо давлатларда амалга оширилаётган лойиҳа ЕОИИ рақамли кун тартиби талабларига жавоб беради ва тартибга солиш функцияларини амалга ошириш нуқтаи назаридан “ақлли” божхона институтини ривожлантириш билан боғлиқ.