ТОШКЕНТ, 3 ноя — Sputnik. Ўзбекистонлик боксчи Бектемир Мелиқўзиев АҚШда бўлиб ўтаётган профессионал бокс турнирида фаолиятидаги 15-ғалабасини қўлга киритди, дея хабар берди Мудофаа вазирлиги.
АҚШнинг Невада штати Лас-Вегас шаҳрида бўлиб ўтаётган профессионал бокс турнирида иккинчи ўрта вазн тоифасидаги профессионал боксчи Бектемир Мелиқўзиев америкалик Девид Стивенсга қарши чемпионлик камари учун саралаш жангини ўтказди.
Ўн икки раунд тўлиқ давом этган муросасиз жангда Мелиқўзиев очколар ҳисобига кўра ғалаба қозонди ҳамда иккинчи ўрта вазн тоифасида WBA чемпионлик камари учун расмий ва мажбурий даъвогарга айланди.
Маълумот учун, Мелиқўзиев Мудофаа вазирлиги спорт маркази спортчиси капитан ҳисобланади.