ТОШКЕНТ, 28 окт — Sputnik. “Сайлов 2024” мобиль иловаси, айниқса, ёш сайловчилар орасида машҳур. Бу ҳақда МДҲ кузатувчилари миссияси маълум қилди.
Sputnik Ўзбекистон мухбирига кўра, халқаро кузатувчилар гуруҳи 575-сайлов участкасида ҳам бўлишди. Улар сайловчилар билан суҳбатлашди, биргаликда суратга тушди, сайлов участкасида овоз бериш жараёни билан яқиндан танишди.
Миссия раҳбари Сергей Лебедев фуқароларнинг сайлов жараёнига анъанавий қизиқиши, овоз беришнинг тинчлиги, сайловчиларнинг юқори фаоллиги ҳамда айрим сайлов участкаларида электрон овоз бериш тизими қўлланилаётганини қайд этди. Барча номзодларга тенг шароитлар яратилган.
Таъкидланишича, “Сайлов 2024” мобиль иловаси, айниқса, ёш сайловчилар орасида машҳур бўлиб, унда ушбу мавзу бўйича асосий маълумотлар, жумладан, сайлов қонунчилиги, сайлов участкаларининг жойлашуви, ўқув материаллари ва бошқа кўплаб маълумотлар мавжуд.
МДҲ миссияси Тошкент шаҳрида, мамлакат вилоятларида, шунингдек, хорижий ҳудудларда очиқ ва ошкора иш олиб борди.