ТОШКЕНТ, 19 окт — Sputnik. 18 октябрь куни Евроосиё иқтисодий комиссияси (ЕИК) Кенгашининг йиғилиши бўлиб ўтди. Унда реал клиник амалиёт маълумотларини тўплаш, таҳлил қилиш ва улардан фойдаланиш нуқтаи назаридан Иттифоқ доирасида дори воситалари айланишини тартибга солишни ривожлантиришга умумий ёндашувлар маъқулланди.
Ҳужжатда Евроосиё иқтисодий иттифоқи давлатларининг ушбу маълумотлардан фойдаланишга умумий ёндашувлари ҳамда улар асосида дори воситаларини рўйхатдан ўтказиш, фармакологик назорат қилиш ва беморларда қўллаш мақсадида уларнинг самарадорлиги ва хавфсизлиги тўғрисида олинган далиллар баён этилган.
Умумий ёндашувлар Иттифоқ бозорига махсус кириш дастурлари доирасида фойдаланиладиган янги дори воситаларини жорий этишни тезлаштиради. Яна бир муҳим натижа аллақачон маълум бўлган дориларни қўллаш учун кўрсатмаларни кенгайтириш имконияти бўлади.
Бундай ёндашувлар Иттифоқ мамлакатлари соғлиқни сақлаш тизимларига тезкор жавоб бериш ва инсоннинг илгари номаълум бўлган янги касалликларини даволашни ташкил этиш имкониятини беради.