TOШКЕНТ, 8 окт — Sputnik. Курск вилоятида Россия Қуролли кучлари томонидан асирга олинган украиналик разведкачи-десантчилар алмашинувдан бош тортди ва Курскда қолган украиналик ҳарбийларни қуролларини ташлаб, таслим бўлишга чақирди. Бу ҳақда РИА Новости эълон қилган видеода маълум қилинди.
"Юборишди. Чернигов вилоятида тутиб олишди ва юборишди... Ташлаб кетишди. Командирлар йўқ. Қуролларни ташланг... Таслим бўлишсин ва ҳеч бўлмаганда тирик қолишади. (Агар) Алимашинувга кетсам, яна мени қайтариб юборишади. Агар қолишим мумкин бўлса, сизлар билан қоламан”, — деди Украина Қуролли кучларининг 82-алоҳида десант-ҳужумчилар бригадасининг асирга олинган разведкачиси.
Асир олинган Украина разведкачиларидан бири сўроқ пайтида Чернигов вилоятида сафарбар қилингани ҳақида кўрсатма берди, бошқа асир эса Житомирдан эканлигини айтди.
"Курск вилоятида қўлга олинган разведка гуруҳининг сўроқ қилинган иккала десантчиси ҳам алмашишдан бош тортди ва Украина Қуролли кучларини қуролларини ташлашга чақирди", — дея тушунтирди Россия хавфсизлик кучлари вакили РИА Новостига.