ТОШКЕНТ, 6 окт — Sputnik. Ўзбекистон ва Эрон туризм соҳасида ҳамкорлик бўйича англашув меромандумини ишлаб чиқади, дея хабар берди Туризм қўмитаси.
Туризм қўмитасида Эрон Маданий мерос, туризм ва ҳунармандчилик вазири ўринбосари Марям Жалоли Деҳкорди билан учрашув бўлиб ўтди.
Музокараларда соҳада икки томонлама ҳамкорликнинг ҳозирги ҳолати ва уни янада ривожлантириш истиқболлари муҳокама қилинди. Давлатлар ўртасида зиёрат, ҳунармандчилик, таълим йўналишлари, орқали туристик оқимларини кенгайтириш масаласига алоҳида эътибор берилди.
“Барча йўналишлар ва жиҳатларни ўзида қамраган туризм соҳасида ҳамкорлик бўйича англашув меромандумини биргаликда ишлаб чиқиш борасида келишилди”, — дейилади хабарда.
Шунингдек, мамлакатларда ўтказиладиган туризм тадбирларига иштирок этиш, пресс ва инфотурлар турлар ташкил қилиш, туризм соҳасида кадрлар маласини ошириш ва қатор масалаларда масалаларида атрофлича фикр алмашилди.