ТОШКЕНТ, 29 сен — Sputnik. Асирга олинган украиналик аскар Максим Шевченко жанг майдонидаги вазият жуда оғир экани, шу боис барчага ҳар қандай йўл билан хизматдан қочишни маслаҳат берганини айтди, деб хабар берди Россия Мудофаа вазирлиги.
“Бу тўлақонли уруш, оғир уруш. Урушмаганлар умуман урушиш учун ҳеч қаерга бормаслиги керак. Иложи бўлса, урушаётганлар қочиб кетишсин”, — деди Максим.
Шунингдек, у Украина Қуролли кучлари қўмондонлигининг ҳарбий хизматчиларга муносабати ҳақида гапирди.
Улар инсон сифатида умуман қадрлашмаган. Биз оддий гўшт каби эдик. Мен иккинчи куни, ҳатто биринчи куни ҳам қочиб қутулмоқчи бўлдим, лекин жой йўқ эди”, — дея қўшимча қилди асир фронтга келганида ўз ҳис-туйғулари ҳақида.
Бошқа нарсалар қаторида, у Украинанинг ҳарбий кампаниясини молиялаштириш ҳақидаги фикрлари билан ўртоқлашди.
“Ҳукуматга ғалаба бўлса бўлди, майли жасадлар бўлса ҳам, лекин у ерда ғалаба кўринмайди. Кўп пул урушга кетади, халқ ёки ҳарбийлар бу пулларни умуман кўрмайдилар. Бу пуллар урушни узайтириш учун қаергадир кетяпти. Пул ўтказилади, аммо қаерда ва нима учун бу оддий аскарлар учун аллақачон тушунарсиз масала ", деб ҳисоблайди асир.