ТОШКЕНТ, 27 сен – Sputnik. Хитой-Қирғизистон-Ўзбекистон темир йўлининг қурилиши Марказий Осиё учун ҳақиқий ютуқ бўлади, бу савдо айланмаси ўсишига ва аҳоли турмуш даражасини оширишга хизмат қилади, деб ишонади Қирғизистон бош вазири ўринбосари Бахит Торобаев Хитой Тараққиёт ва ислоҳотлар давлат қўмитасининг Хорижий капиталдан фойдаланиш ва хорижда инвестицияларни таъминлаш департаменти директори ўринбосари Чжан Сзянхуа билан учрашувдан сўнг.
“Биз ва хитойлик ҳамкорларимиз Хитой-Қирғизистон-Ўзбекистон темир йўли лойиҳаси нафақат навбатдаги инфратузилма лойиҳаси, балки мамлакатларимиз ва бутун минтақанинг иқтисодий ривожланиши учун янги уфқларни очадиган стратегик қадам эканлигига қатъий ишончимиз комил", - деди Торобаев йиғилишда.
Аниқлик киритилишича, тадбирда лойиҳани амалга оширишнинг асосий масалалари атрофлича муҳокама қилинган. Томонлар бу нафақат транспорт вақти ва харажатларини қисқартиришини, балки Хитойнинг Осиё ва Европа ўртасидаги иқтисодий алоқаларни мустаҳкамлашга қаратилган “Бир камар, бир йўл” глобал ташаббусининг муҳим элементига айланишини таъкидлади.
“Хитой-Қирғизистон-Ўзбекистон темир йўли бутун Марказий Осиё учун катта ютуқ бўлиб, у товар айирбошлашнинг ўсишига, инвестициялар жалб этилишига ва янги иш ўринлари яратилишига, шунингдек, минтақада аҳоли турмуш даражасини оширишга хизмат қилади”, - деди бош вазири ўринбосари.
“Хитой-Қирғизистон-Ўзбекистон темир йўли бутун Марказий Осиё учун катта ютуқ бўлиб, у товар айирбошлашнинг ўсишига, инвестициялар жалб этилишига ва янги иш ўринлари яратилишига, шунингдек, минтақада аҳоли турмуш даражасини оширишга хизмат қилади”, - деди бош вазири ўринбосари.
Тўробоев бундай йирик лойиҳани амалга ошириш учун нафақат молиявий инвестициялар, балки барча манфаатдор томонларнинг яқин ўзаро ҳамкорлиги зарурлигини таъкидлади.
“Ҳар бир иштирокчи давлат бу жараёнда ўзини ҳис қилиши ва умумий ишга ҳисса қўшиши муҳим, биз инвесторлар учун қулай шарт-шароит яратиш ва лойиҳанинг барча босқичларида шаффофликни таъминлаш устида ишлашга тайёрмиз”, — деди Торобаев.
Эслатиб ўтамиз, 6 июнь куни Пекинда Хитой-Қирғизистон-Ўзбекистон темир йўли қурилиши лойиҳасини амалга ошириш тўғрисидаги битимни имзолаш маросими бўлиб ўтган эди. Ўзбекистон томонига кўра, йўл Қашғар – Торугарт – Макмал – Жалолобод – Андижон йўналиши бўйлаб ўтади. Мутахассисларнинг фикрича, ушбу йўл бўйлаб йиллик юк ташиш ҳажми 15 миллион тоннагача етиши мумкин, товарларни якуний истеъмолчиларга етказиш муддати эса 7 кунга қисқаради. Бундан ташқари, замонавий транзит ва логистика инфратузилмаси, омборхоналар ва терминаллар барпо этилади.
Хитойни Марказий Осиё республикалари билан боғлайдиган темир йўл линиясини қуриш лойиҳаси қарийб 20 йилдан бери муҳокама қилинмоқда. Бир неча йўналиш вариантлари кўриб чиқилди, бироқ томонлар узоқ вақт давомида баланд тоғли, бориш қийин бўлган ҳудудлардан ўтадиган автомобиль йўли қурилиши нархи ва унинг йўналиши бўйича ягона битимга кела олмаган эди.