ТОШКЕНТ, 16 сен — Sputnik. Қорақалпоғистон Республикасидаги ноёб табиий маскан – Борсакелмас ҳудудида “Сайёрамиз келажагига қўшган ҳиссамиз” халқаро экомарафони бўлиб ўтди, дея хабар берди Экология вазирлиги.
Борсакелмас ҳудудида “Сайёрамиз келажагига қўшган ҳиссамиз” халқаро экомарафони бўлиб ўтди
© Министерство экологии, охраны окружающей среды и изменения климата республики Узбекистан
Бу йил марафонда рекорд даражадаги – Ўзбекистон, Ҳиндистон, Кения, Того, Судан, Иордания, Испания, Канада, Дания, Беларусь, Россия каби 11 та давлатдан 250 нафар профессионал ва ҳаваскор югурувчи иштирок этди.
Борсакелмас ҳудудида “Сайёрамиз келажагига қўшган ҳиссамиз” халқаро экомарафони бўлиб ўтди
© Министерство экологии, охраны окружающей среды и изменения климата республики Узбекистан
“Иштирокчилар хавфсизлиги ва қулайликни таъминлаш мақсадида марафонни ташкил этишга 200 киши жалб этилди. Икки кунлик тадбир дастурида ўтов лагерида жойлаштириш, маданий дастур, этно-шоу, Борсакелмас шўрхок ҳудудига саёҳат, 42 км марафон, 21 км ярим марафон ва 5 ҳамда 10 км масофага югуриш ўрин олди”, — дейилади хабарда.
Борсакелмас ҳудудида “Сайёрамиз келажагига қўшган ҳиссамиз” халқаро экомарафони бўлиб ўтди
© Министерство экологии, охраны окружающей среды и изменения климата республики Узбекистан
Ташкилотчилар Борсакелмас марафони ҳар йили ўтказиладиган тадбирга айланиб, иштирокчилар ва эътиборни экологик муаммолар ва ноёб табиий объектларни асраб-авайлаш масалаларига тобора кўпроқ жалб этишига умид билдиришди.