ТОШКЕНТ, 8 сен — Sputnik. Қозоғистоннинг Остона шаҳрида бўлиб ўтадиган “V Бутунжаҳон кўчманчилар ўйинлари” тадбирлари доирасида Ўзбекистон Спорт вазири Адҳам Икрамов Қозоғистон Туризм ва спорт вазири Ербол Мурзабусинов билан учрашди, дея хабар берди вазирлик матбуот хизмати.
Спорт вазири Адҳам Икрамов Қозоғистон Туризм ва спорт вазири Ербол Мурзабусинов билан учрашди
© Министерство спорта республики Узбекистан
“Учрашув давомида Ўзбекистон Республикаси Спорт вазири Қозоғистонда ўтказилаётган “V Бутунжаҳон кўчманчилар ўйинлари” муносабати билан мезбонларни қизғин қутлаб, бу каби мусобақалар минтақамиз халқлари дўстлигини янада мустаҳкамлашга хизмат қилишини таъкидлаб ўтди”, — дейилади хабарда.
Қозоғистон Туризм ва спорт вазири ҳам ўз навбатида Парижда ўтказилган ёзги олимпия ва паралимпия ўйинларида Ўзбекистон спортчилари эришган улкан ғалабалар билан табриклади.
Маълумот учун, бугун Бутунжаҳон кўчманчилар ўйинларининг очилиши бўлиб ўтади. Кенг кўламли турнир доирасида яккакурашларнинг миллий турлари, камондан отиш, анъанавий интеллектуал ва халқ ўйинлари, от спорти мусобақалари ўтказилади. Мусобақада 89 давлат иштирок этишини тасдиқлади ва 2,5 мингдан ортиқ спортчи келиши кутилмоқда. Бутунжаҳон кўчманчилар ўйинларининг умумий мукофот жамғармаси 253 миллион тенгени (526,4 минг доллар) ташкил этади. Миқдорлар ҳар бир тур учун индивидуалдир.