Ўзбекистон ва Озарбайжон Россиянинг жуда муҳим ҳамкорлари ҳисобланади. Бу фикрни П. Лумумба номидаги Россия халқлар дўстлиги университетининг Иқтисодиёт факультети ўқитувчиси, РФ президенти ҳузуридаги Россия Халқ хўжалиги ва давлат бошқаруви академиясининг таклиф этилган ўқитувчиси Фарҳод Ибрагимов Озарбайжон президентининг Ўзбекистонга давлат ташрифи якунлари мавзусида Sputnik Ўзбекистон мультимедиа матбуот марказида бўлиб ўтган Москва-Тошкент-Боку видеокўприги чоғида билдирди.
“Марказий Осиё Озарбайжон учун устувор аҳамиятга эга, Ўзбекистон билан эса кўп ришталар боғлаб туради. Булар тарихий муносабатлар, маданий-гуманитар алоқалар ва албатта, охирги пайтларда биз Озарбайжон ва Ўзбекистон ўртасида ўсиб бораётган сиёсий алоқалар ва янги дунё тартибини шакллантириш бўйича умумий қарашлар кузатилаётганини қайд этмоқдамиз”, — деди эксперт.
Унинг сўзларига кўра, икки республика ўртасидаги товар айирбошлаш шиддат билан кенгаймоқда. Ўзбекистон Марказий Осиё минтақасидаги етакчи ўйинчилардан бири бўлиб, ўзини жуда кучли, қудратли давлат сифатида кўрсатмоқда.
“Бу Ўзбекистон президенти Шавкат Мирзиёевнинг кейинги бир неча йил ичида Ўзбекистонни тубдан янги босқичга олиб чиқаётган улкан, сифатли ислоҳотларни амалга оширган хизматларидир”, — дея қўшимча қилди у.
Батафсил – Sputnik Ўзбекистон видеосида.