TOШКЕНТ, 20 авг — Sputnik. ЕОИИда бугунги кунда тўловларнинг қарийб 90 фоизи миллий валюталарда амалга оширилмоқда, деди Россия ТИВ МДҲ мамлакатлари биринчи департаменти директори Микаэл Агасандян РИА Новостига берган интервьюсида.
“Агар ўзаро ҳисоб-китобларда миллий валюталардан фойдаланиш бўйича статистик маълумотлар ҳақида гапирадиган бўлсак, бу кўрсаткич тахминан 90% даражасида”, — деди Агасандян.
Унинг қўшимча қилишича, ЕОИИ аъзолари сиёсий босим усулига айланган Ғарб молиявий воситаларидан фойдаланиш хавфини камайтириш зарурлигини билишади.
Маълумот учун, иш учун қўлланма ЕОИИ мамлакатлари раҳбарлари томонидан ўтган йилнинг декабрь ойида Санкт-Петербургда имзоланган 2030 йилгача ва 2045 йилгача бўлган даврда ЕОИИда иқтисодий жараёнларни янада ривожлантириш тўғрисидаги декларация ҳисобланади. Бу ҳамкорлик соҳаларини кенгайтиришни назарда тутади. Масалан, иқлим кун тартибида, сунъий интеллект тизимларидан фойдаланиш, электрон тижорат соҳасида. Шунингдек, умумий молия бозорини шакллантириш ва миллий валюталарнинг ўзаро ҳисоб-китоблардаги улушини ошириш, бу ҳозирда қарийб 90 фоизни ташкил этади ва ўсишда давом этмоқда.
Эслатиб ўтамиз, аввалроқ Россия Федерацияси ташқи ишлар вазири ўринбосари Александр Панкин Мустақил Давлатлар Ҳамдўстлигида (МДҲ) Евроосиё иқтисодий иттифоқи (ЕОИИ) мисолида Ғарб санкциялари фонида савдода миллий валюталардаги тўловлар улушини ошириши зарурлигини маълум қилган эди.