ТОШКЕНТ, 5 авг — Sputnik. Владимир Зеленский Украинага қўшни давлатлар Москванинг эҳтимолий реакцияси туфайли Россия ракеталарини уриб туширишдан қўрқишини айтди. Бу ҳақда РИА Новости "Страна.ua" нашрига таяниб хабар берди.
“У (Зеленский – таҳр.) ҳамкорлар “кераксиз кескинлашувдан қўрқишларини” айтмоқда, бироқ Киев бу мавзуни кўтариш ниятида”, — дейилади нашрда.
Зеленскийнинг қўшимча қилишича, мамлакатлар коалицияси зарур, чунки бу бир давлат учун жуда катта масъулият. Унинг қайд этишича, Украина қўшни давлатлар билан Украина ҳудуди узра Россия ракеталарини уриб тушириш имкониятини муҳокама қилади.
Шу билан бирга, нашрнинг эслатишича, НАТОнинг етакчи давлатлари (АҚШ, Германия ва Буюк Британия) раҳбарлари, шунингдек, алянс бош котиби НАТО давлатлари можаро иштирокчисига айланмаслик учун Россия ракеталарини уриб туширмаслигини маълум қилган.
Россиянинг фикрича, Украинага қурол етказиб бериш келишувга халақит беради, НАТО давлатларини можарога бевосита жалб қилади ва бу “олов билан ўйнашиш” ҳисобланади. Ташқи ишлар вазири Сергей Лавровнинг қайд этишича, Украина учун қурол бўлган ҳар қандай юк Москва учун қонуний нишонга айланади.